“Los-Anceles Lakers”in baş məşqçisi CeyCey Redik Los-Ancelesdəki yanğınlar nəticəsində evini itirib.
QÜTB.AZ xəbər verir ki, bu barədə insayder Şəms Çaraniya X sosial şəbəkəsindəki səhifəsində məlumat verib.
“Fikirlərim Sakit Okean Palisadesində (red – Los-Ancelesdə ərazi adı) yaşayan hər kəslədir. Mən özüm orada yaşayıram. Ailəm və həyat yoldaşımın ailəsi artıq təxliyə edilib. Mən bilirəm ki, bir çox insan qorxur”, – deyə Redik bildirib.
Bölgədəki meşə yanğınları səbəbindən NBA, “Leykers” – “Şarlott Hornets” oyununu yanvarın 10-dan başqa bir tarixə təxirə salıb.
Qeyd edək ki, Redikin komandası 20 qələbə və 16 məğlubiyyətlə NBA-nın Qərb Konfransında 6-cı yerdədir.
