Futbol üzrə Azərbaycan Kubokunda ilk finalçı müəyyənləşib.

Publika.az xəbər verir ki, yarımfinalın ilk cavab görüşündə "Qəbələ" "Zirə"ni qəbul edib.

Qarşılaşma paytaxt klubunun qələbəsi ilə bitib - 2:0. 59-cu dəqiqədə Vladislav Kulaç hesabı açıb. 84-cü dəqiqədə Rafael Utziq ikinci topu meydan sahiblərinin qapısından keçirib.

İlk görüşdə rəqibini 2:1 hesabı ilə üstələyən "Zirə" finala yüksəlib.

Qeyd edək ki, yarımfinalın ikinci cavab qarşılaşmasında "Qarabağ" "Neftçi"ni sınağa çəkəcək. Görüş bu gün, saat 20:00-da başlayacaq. İlk dueldə Ağdam təmsilçisi 4 cavabsız qolla qalib gəlib.

***

Bu gün futbol üzrə Azərbaycan kubokunda yarımfinal mərhələsinin cavab oyunları keçiriləcək.

Publika.az xəbər verir ki, ilk finalçının adına Qəbələdə aydınlıq gələcək. Şəhərin eyniadlı komandası “Zirə”ni qəbul edəcək. Bu komandalar arasında Bakıda baş tutan ilk görüşdə “qartallar” 2:1 hesabı ilə qələbə qazanıb. Ölkə kubokunun son qalibi olan “qırmzı-qaralar”ın geridönüş edib-etməyəcəyi maraq doğurur. Bu, “Qəbələ” üçün Avropa Liqasına vəsiə qazanmaq üçün son şansdır. Oyun saat 17:00-da başlayacaq.

Digər görüş isə Bakıda reallaşacaq. “Qarabağ”la “Neftçi” üz-üzə gələcək. Ağdam təmsilçisi ilk görüşdə səfərdə rəqibini 4 cavabsız qolla məğlubiyyətə uğratdığından cavab görüşü əhəmiyyətini itirib. Tofiq Bəhramov adına Respublika Stadionunda baş tutacaq qarşılaşmanın start fiti saat 20:00-da veriləcək.

Qeyd edək ki, minal matçı iyunun 2-də "Dalğa Arena"da keçiriləcək.

Azərbaycan kuboku: 1/2 final, cavab oyunları

17:00 Qəbələ - Zirə (İlk oyun 1:2)
Qəbələ şəhər stadionu

20:00 Qarabağ - Neftçi (İlk oyun 4:0)
Tofiq Bəhramov adına Respublika stadionu

Heybət