“Fənərbağça”nın serbiyalı futbolçusu Duşan Tadiç komandasını dəyişə bilər.
Publika.az xəbər verir ki, təcrübəli yarımmüdafiəçi Səudiyyə Ərəbistanı klublarından təklif alıb. Bu barədə Türkiyə mətbuatı məlumat yayıb.
“Əl-Qadisiyyə” Tadiçi heyətinə qatmaqda israrlıdır. Ərəblər bu keçidin qarşılığında “Fənərbağça”ya 6 milyon avro ödəməyə hazırdırlar. Hazırda tərəflər arasında danışıqlar gedir.
Qeyd edək ki, Tadiçin “Fənərbağça” ilə 2025-ci ilin iyununa qədər müqaviləsi var.
