“Real” “Valensiya”ya 2:1 hesabı ilə qalib gəldikləri oyunda Vinisiusun qırmızı vərəqə almasına etiraz edəcək.
QÜTB.AZ xəbər verir ki, bunu Madrid klubunun baş məşqçisi Karlo Ançelotti mətbuat konfransında bildirib.
“Apellyasiya şikayəti verəcəyik, onun qəbul edilib-edilməyəcəyini bilmirəm. Bunun qırmızı vərəqə olmadığını düşünürük.
Əvvəlcə Dimitrievskidən bir toxunuş oldu, yalnız bundan sonra Vinidən təkan oldu. Onun tələyə düşdüyünü söyləmək istəmirəm, həmişə olduğu kimi hər şeyi etməyə çalışdı”.
Qeyd edək ki, Braziliyalı futbolçu 79-cu dəqiqədə “yarasalar”ın qapıçısı Stole Dimitrievskini itələdiyi üçün birbaşa qırmızı vərəqə alaraq meydandan qovulub.
