“Tottenhem” tezliklə “Lids”in yarımmüdafiəçisi Arçi Qreyin transferini elan edəcək.
Publika.az xəbər verir ki, insayder Fabritsio Romanonun sözlərinə görə, klublar artıq müqavilənin şərtlərini razılaşdırıblar. London klubu 18 yaşlı futbolçu üçün qarşı tərəfə 40 milyon funt-sterlinq ödəyəcək.
Mənbə onu da qeyd edir ki, “Lids” 10 milyon funta “Tottenhem”dən mərkəz müdafiəçisi Co Rodonu alacaq.
Qeyd edək ki, “Transfermarkt” Qreyin dəyərini 18 milyon avro qiymətləndirir. 2023/2024 mövsümündə o, 52 oyun keçirib, 2 qol vurub və 2 məhsuldar ötürmə edib.
