Sumqayıtda bıçaqlanma hadisəsi olub, saxlanılan var.
Milli.Az report-a istinadən xəbər verir ki, hadisə şəhərin 9-cu mikrorayon ərazisində qeydə alınıb.
Belə ki, Elnur Əhmədov aralarında baş verən mübahisə zamanı Asəf Həmidova bıçaqla döş qəfəsi nahiyəsindən bir dəfə vuraraq daxilə keçən xəsarət yetirib.
Asəf Həmidov dərhal Sumqayıt Təcili Tibbi Yardım Xəstəxanasına yerləşdirilib, Əhmədov Elnur Səfər oğlu saxlanılıb.
Faktla bağlı cinayət işi başlanıb.
Milli.Az
