Bakıda ölümlə nəticələnən yol qəzası olub.
QÜTB.AZ xəbər verir ki, hadisə Sabunçu rayonu ərazisində baş verib.
Mehrəliyev Turqut Vidadi oğlu "Ravon Nexia R 3" markalı avtomobillə Kürdəxanı qəsəbəsi, G.Qurbanova küçəsindən üzü Pirşağı istiqamətinə hərəkət edən zaman idarəetməni itirərək, yolun kənarındakı hasara çırpılıb. Nəticədə o, ağır xəsarətlər alaraq, Sabunçu Tibb Mərkəzinə yerləşdirilib. Lakin görülən tədbirlərə baxmayaraq, orada ölüb.
Faktla bağlı cinayət işi başlanıb, araşdırma aparılır./lent.az
