Qırğızıstanda qəzaya uğrayan Mi-8 vertolyotu təlim uçuşu zamanı məcburi sərt eniş edib.
Publika.az xəbər verir ki, bu barədə respublikanın Müdafiə Nazirliyinin (MN) mətbuat xidməti məlumat yayıb.
Qəza hadisəsi bü gün səhər saatlarında baş verib. Hərbi helikopter Qırğızıstan paytaxtının kənarındakı Dostuk mikrorayonunda qəzaya uğrayıb.
İdarənin ilkin məlumatına görə, hadisə nəticəsində 1 nəfər ölüb, 8 nəfər yaralanıb. Qəzanın baş vermə səbəblərini araşdırmaq üçün xüsusi komissiya yaradılıb.
Cəmilə
