Rosfinmonitorinq Yuliya Navalnayanı terrorçular və ekstremistlər siyahısına əlavə edib.

Publika.az xəbər verir ki, bu barədə idarənin rəsmi saytında məlumat verilib.

Şöbənin reyestrində Aleksey Navalnının arvadının adı 9480 nömrə ilə qeyd olunub.

"Yuliya Borisovna Navalnaya, 24 iyul 1976-cı il təvəllüdlü, anadan olduğu yer, Moskva şəhəri ", - siyahıda qeyd olunub.

İyulun 9-da Moskvanın Basmannı məhkəməsi istintaqın tələbi ilə razılaşıb və Navalnayanın ekstremist icmada iştirak ittihamı ilə qiyabi həbs edilməsinə qərar verib.

Məhkəmənin qərarına əsasən, o, Rusiya ərazisinə gələn kimi iki ay müddətinə həbs olunacaq.

Məhkəmənin qərarı Daxili İşlər Nazirliyinin aprel ayında Yuliya Navalnayanın Rusiyaya qarşı yeni məhdudiyyətlərin tətbiqi çağırışları ilə bağlı açıqlamalarını araşdırmağa başlamasından sonra verilib. Dövlət Dumasının deputatı Andrey Alşevskix Aleksey Navalnının arvadı ilə bağlı sorğu ilə polisə müraciət edib. Çox güman ki, buna səbəb onun 2024-cü il fevralın sonunda Avropa Parlamentindəki çıxışı olub.

Hüseyn İbadlı