"İnandırıcı dəlillər olarsa, istintaqı yenidən başlamağa hazırıq".

Publika.az xəbər verir ki, bunu Malayziyanın baş naziri Ənvər İbrahim 2014-cü ildə Kuala-Lumpurdan Pekinə uçarkən 227 sərnişin və 12 nəfərlik ekipajla yoxa çıxan sərnişin təyyarəsi ilə bağlı deyib.

Baş nazir təyyarənin yoxa çıxmasının 10-cu ildönümü ilə bağlı danışıb. Məlumata görə, illərdir davam edən geniş beynəlxalq axtarışlara baxmayaraq, təyyarə və onun qara qutusu tapılmayıb.

Bir müddət sonra iş rəsmi olaraq dayandırılıb. Malayziya Hava Yollarının MH370 reysinin göyərtəsində olanların ailələrindən ibarət "Voice370" qrupu, şirkətin ən qısa zamanda yeni axtarışa başlamağa ümid etdiyini açıqlayıb.

Qeyd edək ki, ailələr keçən il Malayziya hökumətindən ABŞ-ın dəniz dibi kəşfiyyatı ilə məşğul olan “Ocean Infinity” firmasına itkin düşən təyyarəni yenidən axtarmağa icazə verməsini xahiş etmişdilər.

Aysel Şahmar