Böyük bir uçurumun kənarında, okeandakı bir adada inanılmaz göl. Dünyanın ən təsirli göllərindən biri olan Sorvaqsvatn Farer adalarında yerləşir.

Publika.az xəbər verir ki, inanılmaz gözəlliyi və mənzərəsi ilə görənləri valeh edən bu göl Avropanın ən ucqar yerlərindən biridir.

Göl Danimarka Krallığının bir hissəsi olan Farer adalarının ərazisindədir. İslandiya ilə Norveçin ortasında, Şotlandiyadan 250 kilometr aralıda yerləşən Farerin 18 adası vulkanik mənşəlidir.

Vəhşi təbiəti ilə toxunulmaz qalmağı bacaran, dəniz quşları ilə dolu bu ölkədə bir mənzərə var ki, insanları nağıllar aləminə aparır. Farerdə bəlkə də ən təsirli yer Sorvaqsvatn gölüdür. Farerin ən böyük adası olan Vaqarda yerləşir. Okeanın üzərində asılmış kimi görünən göl okeandan bir neçə metr hündürlükdə yerləş.ir.

Orta dərinliyi 2,5 metr olan gölün ən dərin hissəsi 59 metrdir. Dəniz səviyyəsindən 32 metr yüksəklikdə olan Sorvaqsvatn gölünün uzunluğu 6 kilometr, eni isə 800 metrdir. Göldə turizm fəaliyyəti də həyata keçirilir.

Aysel Şahmar