Ukraynada axtarışda olan və Serbiyada həbsdən azad edilən Ukrayna Təhlükəsizlik Xidmətinin (SBU) keçmiş generalı Andrey Naumov G7 ölkələrindən birindən siyasi sığınacaq istəyib.

Publika.az xəbər verir ki, bu barədə o, BBC-nin Ukrayna xidmətinə danışıb.

"Mən G7-nin aparıcı ölkələrindən birinə siyasi sığınacaq üçün müraciət etmişəm”.

O, Ukraynada ədalətli mühakimə olacağına inandığı zaman ölkəyə qayıtmağı düşündüyünü bildirib.

Sabiq SBU generalı indi evə qayıtmağa hazır olmadığını deyib. Naumovun izah etdiyi kimi, problemlərin mövcudluğu Ukraynada ədalətli məhkəməyə ümid etməyə imkan vermir. Bundan əlavə, o, Serbiya məhkəməsinin qərarı və vətənində baş verənlərlə bağlı Avropa İnsan Haqları Məhkəməsinə (AİHM) müraciət göndərmək istəyir.

2022-ci ilin iyununda Serbiya Daxili İşlər Nazirliyi qaçaqmalçılıqda şübhəli bilinən iki şəxsin həbs edildiyini açıqlayıb. Bəzi KİV-lərin məlumatına görə, cinayətkarlardan biri SBU-nun Daxili Təhlükəsizlik Baş İdarəsinin keçmiş rəisi general Naumovdur.

Cəmilə