Milyarder İlon Maskın sahibi olduğu "SpaceX" şirkəti kosmosdan istifadə edərək digər ölkələrə sərnişin daşımaqla kommersiya aviasiya sənayesini inkişaf etdirmək planlarını canlandırmağı planlaşdırır.

QÜTB.AZ xəbər verir ki, bu barədə "Daily Mail" məlumat yayıb.

Mask iddia edir ki, onun “Starship” raketində Yerdən Yerə kosmos səyahətinə dair baxışı Trampın yenidən seçilməsindən sonra artıq mümkündür.

Təxminən on il əvvəl "SpaceX" tərəfindən təqdim edilən "Starship" 1000-ə qədər sərnişin daşımağa və orbitə çıxmağa qadirdir.

İndi isə eddia edilir ki, raket kosmosa uçmaq əvəzinə, Yerə "paralel" uçaraq, planetin səthini keçərək, başqa şəhərə doğru yol alacaq. Bu, hava səyahətini əhəmiyyətli dərəcədə qısaldacaq, həm iş, həm də istirahət üçün səyahət edənlər üçün vaxta qənaət edəcək. Baxmayaraq ki, onlar yalnız bilet üçün minlərlə dollar ödəməli olacaqlar.

"SpaceX"in məlumatına görə, "Starship" insanları Londondan Nyu-Yorka 30 dəqiqəyə, Nyu Yorkdan Şanxaya 39 dəqiqəyə və Sürixdən Sidneyə 50 dəqiqəyə apara bilər. Bununla belə, sərnişinlər uçuş və eniş zamanı stress yaşayacaqlar.

Ulduz gəmisinin əsas məqsədi, əlbəttə ki, insanları Aya və nəhayət, hətta başqa planetlərə daşımaqdır. NASA-nın "Artemis 3" missiyasının bir hissəsi olaraq 2026-cı ildə dörd astronavtın Aya enməsi gözlənilir ki, bu da 1972-ci ildən bəri Ay səthinə ilk insan missiyasını göndərmək planıdır.

Mask bu yaxınlarda "SpaceX"in 2026-cı ildə çoxmilyardlıq "Starship" raketini ekipajsız Marsa göndərəcəyini söyləyib. Bundan iki il sonra, 2028-ci ildə "Starship" ilk dəfə insanları Marsa göndərəcək.

Hüseyn İbadlı