"Polis Türkiyənin cənubundakı Kayseri vilayətində baş verən iğtişaşlardan sonra 474 nəfəri saxlayıb".

Publika.az xəbər verir ki, bu barədə Türkiyənin daxili işlər naziri Əli Yerlikaya "X" sosial şəbəkəsind məlumat verib.

O, Kayseri hadisəsindən sonra Türkiyənin bəzi şəhərlərində suriyalılara qarşı etirazların təşkil edildiyini bildirib.

“Qanunsuz vasitələrlə həyata keçirilən təxribat xarakterli hərəkətlərdən sonra 474 nəfər saxlanılıb”, - deyə o yazıb.

Yerlikayanın sözlərinə görə, saxlanılanlar arasında 285 nəfər müxtəlif cinayətlərə görə məhkum olunub. O, həmçinin sakinləri təmkinli olmağa, təxribatlara boyun əyməməyə çağırıb.

Xatırladaq ki, iyunun 30-da suriyalı qaçqının uşağa hücumu ilə bağlı xəbərlərlərin yayılmasından sonra Türkiyənin bir sıra şəhərlərində - xüsusilə Kayseri, Hatay, Qaziantepdə yerli əhalinin iştirakı ilə böyük etiraz aksiyalrı keçirilib.

Respublika Prezidenti Rəcəb Tayyib Ərdoğan iğtişaşlarda müxalifətin “zəhərli” hiylələrini günahlandırıb. O, etirazçıların hərəkətlərini qəbuledilməz adlandırıb.

Hüseyn İbadlı