Amerikanın sabiq lideri, hazırda prezidentliyə namizəd Donald Tramp iki dəfə əqli qabiliyyət testindən keçib.
Publika.az xəbər verir ki, Tramp bu barədə "Fox News"a müsahibəsində deyib.
“İki koqnitiv testdən keçdim. Deyərdim ki, prezidentliyə namizəd olan hər kəs üçün koqnitiv testi təşviq edəcəm, çünki bunun yaxşı bir fikir olduğunu düşünürəm. Ağıllı adam prezident olsa, əla olardı”, deyə Tramp bildirib.
Qeyd edək ki, koqnitiv test insanın idrak qabiliyyətlərini və intellektual potensialını ölçmək üçün nəzərdə tutulan psixoloji testdir.
Cəmilə
