Dünyada baş verən iqtisadi geriləmə, qənaət dövründə ən böyük problemlərdən biri də avtomobillərin tez paslanmasıdır. Bu hal hətta etibarlı hesab edilən yapon və alman avtomobillərində də özünü göstərir.

Publika.az xəbər verir ki, bunu avtomobil kuzaları xidmət mərkəzinin sahibi "njcar.ru"ya müasir avtomobillərin köhnə modellərə nisbətən daha az xidmət göstərmsinin səbəbini açıqlayarkən deyib.

Səbəblərdən biri sürücülər üçün deyil, piyadalar üçün təhlükəsizlik tələbləridir. Müsahibin sözlərinə görə, indi kapotun metalı xüsusi hazırlanıb və insana dəydikdə qırışır, ciddi xəsarətlərin qarşısını alır. Digər mühüm xüsusiyyət isə köhnə avtomobillərin kuzalarında daha az gizli boşluqların olmasıdır. Müasirlərdə isə bu boşluqlar daha çoxdur ki, bu da orada kir yığılmasına və korroziyaya səbəb olur.

Ancaq az əhəmiyyət kəsb etməyən başqa bir səbəb də var. Əgər avtomobil əvvəllər sahibinə iyirmi il xidmət edirdisə, indi onlar hər beş ildən bir dəyişdirilir. Buna görə də avtomobil nəhənglərinin davamlı kuzalar düzəltməsi sadəcə olaraq sərfəli deyil.

Adəm