05.04.25 | Bakı 11.03° C |
10:06:25
Lent :

Şəxsi avtomobili ilə dünyanın 44 ölkəsinə səyahət etdi

14 yan 2024 05:00
GÜNDƏM
ads

Dubayın 68 yaşlı sakini Munir Kərim təkbaşına qeyri-adi səyahət edib. O, öz avtomobili ilə dünyanın 44 ölkəsində olub.

Publika.az xəbər verir ki, onun macəralarının baş qəhrəmanı – “Suzuki Jimny” avtomobili 195 min kilometr yol qət edib. Maraqlıdır ki, bu göstəricinin 60 min kilometri Birləşmiş Ərəb Əmirlikləri hüdudlarından kənarın payına düşür. Kərimin yığcam yol-yoldaşı qeyri-adi avtomobildir: orada çarpayı, ayaq yolu və rahat səyahət üçün bütün şərait mövcuddur.

“Avtomobilin ölçüsünün kiçikliyi mənə hər bir yerdə istirahət etmək imkanı verir. Səyahət ərzində mən avtomobilimdə 31-dən çox gecə keçirmişəm”, - deyə Kərim vurğulayır.

O, 1988-ci ildə Tailanda yollanmaqla səyahətə başlayıb. Bu illər ərzində Kərim bir çox ölkədə, o cümlədən Asiya və Avropada olub, ümumilikdə 86 ölkəni ziyarət edib, təyyarə ilə 300-dən çox reysdə uçub. “Mən son 35 ildə olduğum hər bir şəhərdən suvenirlər toplamışam”, - deyə o bildirir.

2012-ci ildə Kərimin ailəsi müvəqqəti olaraq Kanadaya köçüb, orada o, səyahətlərin başqa üsulu ilə tanış olub. “Kanadada mən avtomobillə səyahət mədəniyyətinə qoşuldum. 56 yaşımda həyat yoldaşımın müşayiəti ilə maşınla Vankuverdən Alyaskaya yollandım. O vaxtdan bəri mən avtomobil səyahətçisi hərisinə çevrilmişəm”, - deyə Kərim diqqətə çatdırıb.

2016-cı ildə Kanadadan BƏƏ-yə qayıdan Kərim Avropa üzrə səyahətə yollanır. Marşruta 60 gündən çox vaxt sərf edilib, 32 ölkə üzrə ümumi yürüş 30 min kilometr təşkil edib.

Səyahətçi avtomobillə Rusiyayadək gedib çıxıb. Onun Dubaydan Moskvaya yolu 9 gün çəkib. Kərim öz səyahətlərini həmişə diqqətlə planlaşdırıb. Pasport və vizanın alınması, marşrutun öyrənilməsi və gömrükdən keçmə - bütün bunlar səyahətə hazırlığın əsas hissəsidir.

“Mənim səfərlərim mədəni biliklərin zəngin mənbəyinə çevrilib, məni təvazökarlığa, insanlığa görə minnətdarlığa və bütün canlılara hörmətə öyrədib”, - deyə Kərim əlavə edib.


Teglər
Müəllif : Qutb .Az
Yorum yazın
Yorum yoxdur. İlk yazan siz olun
Səsvermə
Saytımızı bəyəndiniz?
149 səslər
Aktual videolar
Bizi izlə
Reklam
ads
Advertisement
Qarışıq xəbərlər
Hava durumu
Bakı
11.03° C
Təqvim
Valyutalar
Teglər

Qutb.az

© 2022 - Bütün müəllif hüquqları qorunur