Ağ Ev müxalifət lideri Aleksey Navalnının həbsxanada ölümünə cavab olaraq Rusiyaya qarşı əlavə ciddi sanksiyalar hazırlayır.

Publika.az xəbər verir ki, bu barədə ABŞ Milli Təhlükəsizlik Şurasının sözçüsü Con Kirbi məlumat verib.

O bildirib ki, yeni paket bu cümə günü açıqlanacaq.

ABŞ rəsmisi hökumətinin siyasətinə istinad edərək yeni tədbirlərin təfərrüatlarını açıqlamaqdan və ya onların Ukraynaya müdaxiləsinə cavab olaraq ABŞ və müttəfiqlərinin Rusiyaya qarşı tətbiq etdiyi onsuz da sərt sanksiyaları necə genişləndirəcəklərini söyləməkdən imtina edib.

"Ukraynada müharibənin başlanmasının iki illiyinə təsadüf edəcək sanksiyalara konkret olaraq cənab Navalnının ölümü ilə bağlı əlavə sanksiyalar əlavə olunacaq", - Kirbi yalnız bu məlumatı verib.

Kirbi deyib ki, ABŞ Navalnının necə öldüyünü dəqiq müəyyənləşdirməyib, lakin son məsuliyyətin Rusiya prezidenti Vladimir Putində olduğunu israr edir.

“Elmi cavabdan asılı olmayaraq, Putin buna görə məsuliyyət daşıyır”, - o, jurnalistlərə deyib.

Hüseyn İbadlı