Udmurtiya sakinləri çərşənbə günü, fevralın 7-də axşam saatlarında İjevsk yaxınlığında güclü partlayış baş verdiyini bildiriblər.
Publika.az xəbər verir ki, şahidlər hadisə yerində nəhəng yanğın və tüstü sütunu gördüklərini bildiriblər.
Sonradan məlum olub ki, partlayış Votkinsk Maşınqayırma Zavodunun, xüsusən də neft-qaz və dağ-mədən avadanlıqları, dəzgahlar, qazma avadanlıqları və hərbi texnikanın istehsal edildiyi ərazidə qeydə alınıb.
Şəhərin Zavyalovski rayonunun Vahid Növbətçi və Dispetçer Xidməti bildirib ki, fövqəladə hadisə raket mühərriklərinin planlı sınaqları zamanı baş verib.
Votkinsk zavodunun nümayəndələri də öz növbəsində ərazidə eşidilən güclü gurultunun fövqəladə hal olmadığına aydınlıq gətiriblər.
Hadisə nəticəsində tələfat və dağıntılar barədə məlumat verilməyib.
Tural
