İranın qərbindəki Lüristan əyalətində hərbçiləri daşıyan avtobus dərəyə düşüb.
QÜTB.AZ xəbər verir ki, bu barədə REN TV məlumat yayıb.
Qəza nəticəsində on nəfər ölüb, on yeddi nəfər yaralanıb.
Təcili yardımdan verilən məlumata görə, qəza Andişmek və Poldoktar şəhərləri arasındakı magistral yolda, Paalam bölgəsində baş verib.
“Qəzaya düşən avtobusda olan bütün sərnişinlər Xuzistandan Kirmanşah qarnizonuna köçürülən hərbçilərdir”, - regional Fövqəladə Hallar İdarəsinin baş direktoru bildirib.
Xəsarət alanlar arasında ağır yaralananlar da var. Zərərçəkənlər yaxınlıqdakı tibb müəssisələrinə aparılıb.
İlkin məlumata görə, qəzaya səbəb avtobus sürücüsünün sürət həddini aşması və idarəetməni itirməsi ola bilər.
Hüquq-mühafizə orqanlarının əməkdaşları qəzanın baş vermə səbəblərini araşdırır.
Hüseyn İbadlı
