Rusiya Müdafiə Nazirliyinin (MN) rəhbəri Sergey Şoyqu qeyri-adi, qara rəngli səhra geyimində müxtəlif qoşun qrupları komandirlərinin məruzələrini dinləyib.
Publika.az xəbər verir ki, bu, Müdafiə Nazirliyinin "Telegram" kanalında yayımlanan videoçarxda əks olunur.
Yayımlanan kadrlardan görünür ki, fərqlənmə nişanları, eləcə də müdafiə nazirinin pencəyindəki şevronlar qara rəngdə hazırlanıb.
Toplantıda iştirak edən digər yüksək rütbəli zabitlər yaşıl forma geyiniblər. Rus ordusu üçün də ağ arktik və qum (isti iqlimi olan ölkələr üçün) rəngləri var. Rusiya Hərbi Dəniz Qüvvələrinin dənizçiləri qara, pilotlar isə mavi forma geyinirlər.
Sergey Şoyqu sözügedən toplantı zamanı Rusiyanın hücumundan danışıb və Ukraynaya məxsus HİMARS-ın necə məhv edildiyini izləyib. Nazirə Rusiya hərbçilərinin hərəkətlərinin obyektiv monitorinqini əks etdirən kadrlar göstərilib.
Hüseyn İbadlı
