Nyu-Yorkun Sirakuz şəhərində şagirdlərdən birinin anası müəllimə hücum edib.
Publika.az xəbər verir ki, WSYR-TV-nin məlumatına görə, qadın müəllim şagirdi dərs zamanı harada olduğu barədə yalan danışdığına görə danlayıb. Şagird cavabında müəllimi hədələyib və bildirib ki, anası ilə problem yaşayacaq. Müəllim qızın sözlərini təhsil müəssisəsinin rəhbərliyinə çatdırıb.
Məktəbli qızın anası ertəsi gün uşaq izdihamına qarışaraq binaya daxil olub. O, qızının sinfinə girib və uşaqların gözü qarşısında qışqırmağa başlayıb. Daha sonra müəllimənin üzünə vurub və onun burnunu sındırıb. Müəlliməyə beyin silkələnməsi diaqnozu qoyulub. Polis məktəbli qızın anasını saxlayıb və həbs edib. Daha sonra o, məhkəməyə qədər zaminə buraxılıb.
Tural
