Milyarder İlon Maskın rəhbərlik etdiyi ABŞ Hökumətinin Səmərəliliyi Departamentinin (DOGE) əməkdaşlarına xərclərə nəzarət etmək üçün hökumətin ödəniş sisteminə giriş imkanı verilib.

QÜTB.AZ xəbər verir ki, bu barədə "The New York Times" yazır.

“Xəzinədarlıq katibi Skott Bessent İlon Maska və onun komandasına hökumət xərclərini izləmək və potensial olaraq cilovlamaq üçün güclü bir vasitə verdi”, - qəzet yazır.

Nəşr vurğulayır ki, sistemə giriş “tarixən ciddi şəkildə qorunub”, çünki o, federal hökumətdən sosial, vergi və digər ödənişlər alan milyonlarla amerikalı haqqında məxfi məlumatları ehtiva edir.

NYT-nin məlumatına görə, Maskın departamenti artıq digər agentliklərdən məlumatların əldə edilməsini tələb edir.

Yanvarın 29-da məlum olub ki, ABŞ Hökumətinin Səmərəliliyi Departamenti artıq federal hökumətə gündə təxminən bir milyard dollar qənaət edir. Departamentin bildirdiyinə görə, qənaət xüsusilə xarici təşkilatlara “düzgün ödənişlərə” son qoyulması, müxtəliflik, bərabərlik və inklüzivlik siyasətlərini dəstəkləmək üçün proqramların bağlanması və işə qəbulun dayandırılması ilə əldə edilib.

Hüseyn İbadlı