İsrailin baş naziri Benyamin Netanyahu nasist Almaniyasının lideri Adolf Hitlerin taleyini yaşayır.

Publika.az “Anadolu” agentliyinə istinadən xəbər verir ki, bunu Türkiyə Xarici İşlər Nazirliyi israilli siyasətçini fələstinlilərin soyqırımında ittiham edərkən bildirib.

“Soyqırımı törədən nasistlər məsuliyyətə cəlb edildiyi kimi, fələstinliləri məhv etməyə çalışanlar da cavab verəcəklər. Fələstinliləri məhv edə bilməyəcəksiniz”, - Türkiyə Xarici İşlər Nazirliyi qeyd edib.

Belə ki, nazirlik İsrailin xarici işlər naziri İsrael Katsın sözlərinə cavab verib. O, daha əvvəl Türkiyə lideri Rəcəb Tayyib Ərdoğanı İraq lideri Səddam Hüseynlə müqayisə edib. Türkiyə Xarici İşlər Nazirliyi əlavə edib ki, bu cür bəyanatlar qəbuledilməzdir.

Xatırladaq ki, aprelin 23-də Ərdoğan deyib ki, Netanyahu “zamanın Hitleridir”. Türkiyə lideri eyni zamanda, Netanyahunun Qəzza zolağındakı vəziyyətə görə məsuliyyətdən yayına bilməyəcəyini vurğulamışdı.

Adəm Abbaslı