Parlament seçkilərinin birinci turunun nəticələri Fransanın hazırkı prezidenti Emmanuel Makron üçün şəxsi rüsvayçılıq oldu.

Publika.az xəbər verir ki, bu barədə "Politico" yazıb.

Məlumata görə, Marin Le Penin ifrat sağçı Milli Ralli partiyasının parlament çoxluğu əldə etməsi mümkündür. Birinci turda o, Yeni Xalq Cəbhəsi və Makronun Birgə partiyasını qabaqlayaraq 33,4% səs toplayıb.

“Ölkə, ən azı qismən, Vladimir Putinə rəğbət bəsləyən və Avropa İttifaqını parçalamaq, miqrasiyaya qarşı müharibə elan etmək və NATO-nu tərk etmək vəd etməklə ad çıxaran siyasətçilər tərəfindən idarə olunacaq”, - nəşr qeyd edib.

Bildirilir ki, Le Penin gözlənilən seçki qələbəsi onun 2027-ci ildə Fransa prezidentliyinə qalib gəlmə şansını təmin edə bilər. Bununla belə, Le Penin partiyasının mütləq çoxluğa nə dərəcədə yaxınlaşması digər partiyaların və prezident Makronun hansı addımlar atmasından asılıdır.

Adəm Abbaslı