Fransa prezidenti Emmanuel Makron Rusiya lideri Vladimir Putinlə Ukraynadakı münaqişənin gərginləşməsinə dair danışıqlara hazırdır.

Publika.az xəbər verir ki, o bu barədə ukraynalı jurnalist Natalya Mosiyçuka müsahibəsində bildirib.

"Putin mənə zəng etsə, telefonu götürəcəm. Bu mənim məsuliyyətimdir və mən onun təklif etdiyinə qulaq asacağam. Fransanın rolu "müharibənin siniri" olmaqdır.

Makron qeyd edib ki, bir tərəfdən respublikanın müdafiə qabiliyyətini gücləndirmək, digər tərəfdən deeskalasiyanı təşviq etmək, daimi, davamlı və ədalətli sülhə nail olmaq üçün lazım olan hər şeyi Kiyevə ötürmək lazımdır .

Fransa lideri vasitəçiliyə hazır olduğunu bildirib, lakin münaqişənin sona çatması üçün yeganə mümkün danışıqların Vladimir Putin və Vladimir Zelenski arasında olmasının lazım olduğunu vurğulayıb.

Hüseyn İbadlı