SAXAL Suriyada baş verən hadisələrlə əlaqədar Colan təpələrindəki hava və quru bölmələrini gücləndirir. Təl-Əviv hücum və müdafiə vəziyyətlərində baş verə biləcək hər hansı inkişafa hazırdır.
QÜTB.AZ xəbər verir ki, bu barədə İsrail ordunun (SAXAL) bəyanatında deyilir.
“Suriyada yaranan vəziyyət İsrail Silahlı Qüvvələrinin Baş Qərargahında və Şimal Dairə Komandanlığında qiymətləndirilib. Colan təpələrindəki hava və quru qüvvələrinin gücləndirilməsinə qərar verilib. İsrail ordusu hadisələri izləyir və həm hücum, həm də müdafiə baxımından vəziyyətin istənilən inkişafına hazırdır”, - deyə SAXAL-ın mətbuat xidmətinin məlumatında bildirilir.
Bəyanatda, həmçinin İsrail ordusunun sərhəd yaxınlığında təhlükənin yaranmasına imkan verməyəcəyi və təhdidlərə qarşı mübarizə aparacağı vurğulanır.
Qeyd edək ki, Colan təpələri 1967-ci ilin iyun ayında “Altıgünlük müharibə” zamanı İsrail qoşunları tərəfindən işğal olunub.
