İtaliyada dünyanın lüks idman avtomobil markasının aid olduğu Lamborghini ailəsini çaş-baş salan qeyri-qanuni övladla bağlı məhkəmə geniş müzakirə olunur.

Publika.az xəbər verir ki, iddialar Neapoldan olan gözəllik mütəxəssisi 35 yaşlı Flavia Borzonenin məhkəməyə müraciət edərək Lamborghini ailəsinin üzvü olduğunu deməsi ilə başlayıb.

Borzone ifadəsində anası opera müğənnisi Rosalba Kolosimonun şirkətin qurucusu Ferruccio Lamborghininin oğlu Tonino Lamborghini ilə münasibət qurduqdan sonra dünyaya gəldiyini bildirib.

Tonino Lamborghini bu iddianı rədd edib, Borzone isə özəl bir detektiv tutduğunu və DNT testi etdirdiyini bildirib. Borzone hakimlərə bildirib ki, Lamborghininin qanuni qızlarından biri olan Elettra Lamborghinidən DNT nümunəsi əldə etmək üçün özəl detektivlər işə götürüb.

İddialara görə, detektivlərdən biri Elettra Lamborghininin soyuq qəhvə içmək üçün istifadə etdiyi pipeti ələ keçirib. Borzonun vəkili Sergio Culiersi testin Borzone və 29 yaşlı Elettra Lamborghininin eyni ataya sahib olduğunu 100 faiz sübut etdiyini deyib.

Borzone atası olduğunu iddia etdiyi Lamborghinidən pul tələb etməyəcəyini bildirib.

Roza Şəfiyeva