Ancelina Colinin ilk həyat yoldaşı Conni Li Miller aktrisa haqqında sensasion faktları açıqlayıb.

Publika.az xarici mətbuata istinadən xəbər verir ki, Ancelina Coli ilə 18 ay evli qalan Conni Li Miller ötən gün Conni Vonun "Radio X" adlı podkastının qonağı olub. Hazırda 51 yaşında olan Miller, Ancelina ilə evlənməzdən əvvəl yaşadıqları "romantik" əhvalatlardan söz açıb.

"Ancelina adlı gənc bir qızla görüşürdüm. Mənə "Gəl bu həftəsonu həyəcanlı bir şeylər edək. Niyə vertolyotdan tullanmırıq ki?" dedi. Bu fikrin qulağa xoş gəldiyini deyərək qəbul etdim. Ancelina çox cəsur bir qız idi. Həqiqətən də paraşütlə vertolyotdan tullandıq. Yalan deməyəcəm, bunun təhlükəli olduğunu düşündüm. Amma yenə də etdim", - Conni Li Miller qeyd edib.

O, aparıcının "Bunu bir daha təkrarlayarsan" sualına belə cavab verib: "Yox! Əslində bunu biz 3 dəfə etdik. Hər dəfəsində texniki baxımdan daha çox şey öyrəndik. Bu üç tullanmada yanımızda təlimçi var idi. Tək nəfərlik tullanma üçün də məşqlər edirdik. Amma çox şükür ki, hava küləkli idi, odur ki, təkbaşına tullana bilmədik".

Conni Ancelina Coli ilə Kosta Rikaya tətilə gedəndə isə daim narahat olduğunu söyləyib. "Mən və Ancelina bir axşamı hotel otağında bıçaq ataraq keçirmişdik" , - o, əlavə edib.

Məlumat üçün bildirək ki, Coli Conni ilə evliliyində gəlinlik geyinməyib. Bunun əvəzinə o, qara dəri şalvar və üzərində Conni Li Millerin adını öz qanı ilə yazdığı ağ köynəyə üstünlük verib. Amma bu “qanla vəsf olunan məhəbbət” uzun sürməyib. Cütlük cəmi 18 ay evli qala bilib.

Conni Miller 1990-cı illərdə Denni Boylun prodüserliyi ilə çəkilən "Trainspotting" ilə şöhrət qazanıb.