Paris Olimpiadasında triatlon yarışları təxirə salınıb.
Publika.az xəbər verir ki, bu barədə Beynəlxalq Triatlon İttifaqının mətbuat xidməti məlumat yayıb.
BOK, Oyunların təşkilat komitəsi, Beynəlxalq Triatlon İttifaqı tibbi nümayəndələrlə birlikdə Sena çayında su nümunəsi götürüb.
“Senadan götürülən testlər göstərdi ki, suyun keyfiyyəti kifayət qədər zəmanətli deyil. Bir daha bildiririk ki, bizim prioritetimiz idmançılarımızın sağlamlığıdır”, - deyə məlumatda bildirilir.
Kişilər arasında triatlon yarışı iyulun 30-da saat 10:00-a (Bakı vaxtı ilə) nəzərdə tutulmuşdu. Yarış iyulun 31-də, saat 11:45-də baş tutmalıdır. Qadınlar arasında triatlon yarışı iyulun 30-dan iyulun 31-i səhər saat 10:00-a təxirə salınıb.
Qeyd edək ki, triatlon yarışlarında Azərbaycan təmsilçisi Rostislav Pevtsov çıxış edəcəkdi.
Heybət
