Aleksey Navalnının ölümü ilə əlaqədar Kanada hakimiyyəti Rusiya Federasiyasının 13 hüquq-mühafizə orqanının əməkdaşına qarşı sanksiya tətbiq edib.
Publika.az xəbər verir ki,bu barədə Kanada hökumətinin saytında məlumat verilib.
Sanksiya siyahısına Rusiya istintaq orqanlarının, penitensiar xidmətin və polisin yüksək rütbəli əməkdaşları daxil edilib. O cümlədən, Moskva Federal Penitensiar Xidmətinin rəhbəri Sergey Moroz və məhkumların cəmiyyətdən təcrid edilməsi ilə bağlı olmayan cəzaların icrasının təşkili şöbəsinin müdiri, Rusiya Federal Penitensiar Xidmətinin rəhbəri Yelena Korobkova .
Daha əvvəl bildirilmişdi ki, Avropa İttifaqına üzv olan dövlətlər təşkilatın iyunun 27-də keçiriləcək sammitinin əvvəlinə qədər Rusiyaya qarşı daha bir sanksiyalar paketi üzrə razılığa gəlməyi planlaşdırırlar .
Hüseyn İbadlı
