ABŞ prezidentliyinə namizəd Kamala Harris seçici ilə söhbət etməkdə şübhəli bilinir.

QÜTB.AZ xəbər verir ki, bu barədə "New York Post" məlumat yayıb.

Bildirilib ki, "saxta söhbət" hekayəsi Harrisin seçki günü Demokrat Partiyasının qərargahına səfəri zamanı baş verib. Belə ki, Harrisin çıxışı zamanı ona "mobil bank xidmətindən" zəng gəlib. ABŞ-ın vitse-prezidenti həmsöhbəti ilə söhbət edərkən səs verib-vermədiyini soruşub və bir müddət sonra deyib: “Bunu etdinizmi? Təşəkkür edirəm!".

Sonra zalda alqış səsləri eşidilib və çaşqınlıq yaranıb. Harris söhbətin reallığını nümayiş etdirmək istəyib və telefonun ekranını tamaşaçılara tərəf çevirib. Ona görə də onun "həmsöhbəti" tamaşaçıların dəstəyini eşidib.

"Lakin belə görünür ki, Harris telefonla danışmaqdansa, əslində "iPhone"da kamera proqramından istifadə edirdi", - deyə "New York Post" yazır.

Hüseyn İbadlı