ABŞ-ın 39-cu prezidenti Cimmi Karterlə vida mərasimi zamanı hazırkı dövlət başçısı Co Bayden yatarkən görüntülənib.

QÜTB.AZ xəbər verir ki, bu anı "Fox News" lentə alıb.

Bayden birinci xanım Cill Bayden, həmçinin vitse-prezident Kamala Harris və əri ilə birlikdə ön sırada əyləşib. Onların arxasında ABŞ-ın keçmiş prezidentləri oturublar: Bill Klinton Hillari ilə, Corc Buş həyat yoldaşı Laura ilə, Barak Obama, həmçinin Donald Tramp Melaniya ilə.

Video görüntülərdə Co Baydenin anım zamanı gözlərini yumduğu və yuxuya getdiyi əks olunub.

Cimmi Karter 1977-1981-ci illərdə ABŞ-ın Demokratik prezidenti olub. 29 dekabr 2024-cü ildə yüz yaşında dünyasını dəyişib. O, son günlərini Gürcüstandakı evində keçirib .

2002-ci ildə Cimmi Karter prezidentliyindən sonrakı onilliklər ərzində sülhün, demokratiyanın və insan haqlarının təşviqində göstərdiyi səylərə görə Nobel Sülh Mükafatına layiq görülüb.

Hüseyn İbadlı