OPEC+ Monitorinq Komitəsi neft bazarındakı mövcud vəziyyəti analiz etmək üçün videokonfrans formatında görüş keçirib.
QÜTB.AZ xəbər verir ki, bu, 2025-ci ildə Alyansın ilk görüşüdür.
Qeyd edək ki, 2024-cü il dekabrın 5-də OPEC+ ölkələri Monitorinq Komitəsinin iclasında və ümumi görüşdə bir araya gəlmişdilər. Həmin vaxt Alyans ölkələri 2025-ci ilin ilk rübü ərzində gündəlik hasilatın 2,2 milyon barel azaldılması ilə bağlı könüllü məhdudiyyətlərin uzadılması barədə razılığa gəliblər. Bu məhdudiyyətlərin mərhələli şəkildə aradan qaldırılması 2026-cı ilin sentyabrına qədər davam edəcək.
