İsrailin Qəzza zolağında müharibəyə başlamasından sonra iki tərəf arasında artan gərginlik fonunda İsrail Livanın dərinliklərində genişmiqyaslı hücuma hazırlaşır.
Publika.az xəbər verir ki, bu barədə Livanın dövlət telekanalı LBC məlumat yayıb.
Telekanal qeyd edib ki, ərəb ölkələrindən biri ölkədə xaos yaratmaq məqsədi ilə İsrailin Livana planlı hücumu barədə "Hizbullah" hərəkatının rəsmi nümayəndələrinə məlumat verib.
İsrail mediası da Livanın cənub sərhədi boyunca qüvvələrinin hərəkəti barədə məlumat verib və bildirib ki, Qəzzədən qaçan minlərlə əsgər Livan boyu ərazilərə çatıb və yüzlərlə tank da Livana doğru hərəkət edib.
Xatırladaq ki, son üç ayda "Hizbullah" və İsrail qüvvələri demək olar ki, hər gün artilleriya və raket zərbələri mübadiləsi aparır.
Hüseyn İbadlı
