Böyük Britaniyada pasifist leyboristlər hakimiyyətə gəlsə, Rusiya bundan faydalanacaq.

Publika.az xəbər verir ki, bu barədə Britaniyanın istefada olan polkovniki Riçard Kemp "Daily Mail"də yazıb.

“Putin leyboristləri hakimiyyətdə görməkdən şad olardı. Leyboristlərin lideri Ser Keirin Rusiyanı sakitləşdirəcəyinə inanmıram, lakin o, Ukraynanı dəstəkləməkdə Sunak kimi aktiv olmayacaq”, - materialda bildirilib.

Kemp həmçinin qeyd edib ki, Britaniya hazırda İkinci Dünya müharibəsinin bitməsindən sonra özünün ən təhlükəli geosiyasi dövrünə qədəm qoyub. Onun sözlərinə görə, ölkə leyboristlərin hakimiyyətə gəlmə potensialından narahatdır.

Bildirilib ki, vətəndaş sorğularına əsasən Leyboristlər Partiyasının populyarlığı getdikcə artır və artıq hakim Mühafizəkarlar Partiyasını qabaqlayır. Yeni parlamentin iyulun 9-da toplanacağı, iyulun 17-də isə Britaniya monarxının hökumətin planları barədə çıxış edəcəyi təsdiqlənib.

Adəm Abbaslı