Husilər Ədən körfəzində səhvən Rusiya neftini daşıdığı güman edilən tankerə raket zərbəsi endiriblər.

Publika.az xəbər verir ki, Bu barədə dəniz təhlükəsizliyi şirkəti “Ambrey” məlumat yayıb.

Şirkət etiraf edib ki, gəmi ictimaiyyətə açıq məlumat bazasında Britaniya ilə əlaqəli olduğu üçün hədəf hesab edilib, baxmayaraq ki, məlumat artıq köhnəlmişdir.

“Ambrey”in hesabatında deyilir ki, Panama bayrağı altında üzən tanker Beynəlxalq Tövsiyə Edilən Tranzit Dəhlizi boyunca şərqə doğru hərəkət edərkən üç qayıq görüb. Bu, Rusiya nefti daşıyan gəminin husilərin hücumuna məruz qaldığı ikinci hadisədir.

Kapitan 400-500 metr məsafədən suya düşən raket və üç kiçik gəmi haqda məlumat verib.

Böyük Britaniya Dəniz Ticarət Klirinq Mərkəzindən verilən məlumatda hadisə nəticəsində tələfat və dağıntıların qeydə alınmadığı bildirilib.

Tural