2024-cü ilin may ayının sonuna Rusiyada yumurta ehtiyatları 335,2 milyon ədəd təşkil edib.

Publika.az “İnterfaks”a istinadən xəbər verir ki, bu barədə Federal Dövlət Statistika Xidmətinin (Rosstat) analitiklərinin hesablamalarında bildirilib.

Qeyd olunur ki, yazın sonunda əldə olunan nəticə 2023-cü ilin eyni dövrü ilə müqayisədə 1,9 faiz az olub. O zaman ölkənin yumurta ehtiyatı 341,9 mln. Beləliklə, 12 ay ərzində Rusiyada bu məhsulların ehtiyatları 6,7 milyon ədəd azalıb.

Eyni zamanda, may ayında yumurta satışı 4,7 faiz azalaraq 2,77 milyarda düşüb, halbuki bir il əvvəl bu rəqəm 2,91 milyard idi. 2024-cü ilin ilk beş ayında milli yumurta satışı 3,7 faiz azalaraq 14,4 milyarddan 13,8 milyarda düşüb.

Rusiya bazarına yumurtanın əsas xarici tədarükçüləri Belarus, Türkiyə və Azərbaycandır. Yanvarın əvvəlindən iyunun 16-dək Belarus Rusiyaya ümumilikdə 332,6 milyon, Türkiyə 35,2 milyon, Azərbaycan isə 47,7 milyon toyuq yumurtası göndərib. Qonşu ölkələrdən ümumilikdə 415,5 milyon yumurta idxal edilib.

Adəm Abbaslı