Hindistanda "Su-30 MKI" qırıcısı qəzaya uğrayıb.
Publika.az xəbər verir ki, bu barədə "Asian News International" agentliyi məlumat yayıb.
Məlumata görə, görə, pilot katapult etməyi bacarıb.
Qeyd edilib ki, təyyarə lisenziya əsasında Rusiyanın "Su-30 MKI" qırıcılarını istehsal edən "Hindustan Aeronautics Limited"də təmir olunurdu. Bu model Rusiyanın "Sukhoi" şirkəti tərəfindən hazırlanıb və hər cür hava şəraitinə uyğun döyüş təyyarəsidir.
Şirkət nümayəndələri sosial şəbəkələrdə qırıcının sınaq uçuşunda olduğunu, pilotlar texniki nasazlığı müşahidə etdiklərini bildiriblər.
Hadisənin dəqiq səbəbləri araşdırmalardan sonra məlum olacaq.
