Karyerasında bir çox ilklərə imza atan 59 yaşlı Kamala Harris noyabr seçkilərində Trampa qalib gəlsə, ABŞ tarixində ilk qadın və ilk afro-amerikalı prezident olacaq.
Publika.az xəbər verir ki, Kamala Devi Harris 20 oktyabr 1964-cü ildə Kaliforniyada dünya gəlib. Anası tədqiqatçı Şyamala Qopalan, atası isə iqtisadçı Donald Harrisdir. O, ailənin ilk övladıdır. Harrisin anası qızı üçün hindu tanriçası Lakşminin adlarından biri olan "nilufər" mənasını verən Kamala adını seçib.
Orta məktəbi bitirdikdən sonra Harris Hovard Universitetində siyasi elm və iqtisadiyyat və Kaliforniya Universitetində hüquq təhsili alıb.
1994-cü ildə Kaliforniya siyasətində güclü bir ad olan, özündən 30 yaş böyük Villi Braun ilə münasibətə başlayıb. Şayiələrə görə, bir il davam edən münasibətləri zamanı Braun öz səlahiyyətlərindən Harrisin hüquqi karyerasında yolunu açmaq üçün istifadə edib.
2010-cu ildə Kaliforniya ştatının prokurorluğuna namizəd olan Harris Demokratlar Partiyasının aparıcı simalarının dəstəyini alıb və Respublikaçı rəqibinə 0,8 faiz səs fərqi ilə qalib gəlib. O, ştatın ilk qaradərili qadın prokuroru olub.
2014-cü ildə özəl mərasimlə Los-Ancelesdə yəhudi əsilli korporativ hüquqşünas Douq Emhoffla evlənib. 2016-cı ildə keçirilən seçkilərdə Demokratlar Partiyasından ABŞ Senatına daxil olub. Senator Harris 2016-cı ildə Donald Trampın qazandığı seçkilərə Rusiyanın müdaxiləsi ilə bağlı Senat dinləmələri zamanı özünəməxsus və cəlbedici sorğu tərzi ilə məşhurlaşıb.
2019-cu ildə Demokrat Partiyasından 2020-ci il seçkilərində prezidentliyə namizədliyini açıqlayıb. Lakin 1 il davam edən kampaniyanı ianələrin az olması və sorğuların azalması səbəbindən bitirib. Harris 2020-ci ilin avqustunda Demokratların rəsmi namizədi Co Bayden tərəfindən vitse-prezidentliyə seçilib.
Harrisin 4 illik səlahiyyət müddətində gözləntiləri doğrulda bilib-bilmədiyi müzakirə mövzusudur. Onun performansı sorğulara əsasən qeyri-adekvat olub. O, qeyri-qanuni immiqrasiyadan yayınmaqda günahlandırılıb. Son iki ildə o, Ali Məhkəmənin abortu qanuniləşdirən qərarını ləğv etdikdən sonra abort hüququnu müdafiə etmək üçün kampaniya yaradıb. Ara-sıra boşboğazlığı və mənasız çıxışları səbəbindən yaxşı natiq olmadığı üçün tənqid edilib.
Aysel Şahmar
