Böyük Britaniya ilk dəfə olaraq Rusiya və bir sıra digər ölkələrdən geri qalaraq, ilk on sənaye ölkəsi siyahısından çıxıb.

Publika.az xəbər verir ki, bu barədə "Times" qəzeti Make UK təşkilatının məlumatlarına istinadən xəbər yayıb.

Məqalədə deyilir: “Böyük Britaniya qlobal iqtisadiyyatın “konturlarının yenidən cızılması” fonunda ilk dəfə olaraq dünyanın 10 ən böyük sənaye istehsalçısı ölkəsi siyahısından çıxıb. Böyük Britaniya Meksika və Rusiyadan da aşağı düşüb”.

Qeyd edək ki, təşkilat 2022-ci il üçün ən son məlumatları təqdim edir. Britaniya ən böyük sənaye iqtisadiyyatları arasında 12-ci yerə düşüb ki, bu da əvvəlki illə müqayisədə dörd pillə aşağıdır. Qəzet yazır ki, bununla yanaşı, Rusiya, əksinə, müdafiə istehsalının artmasına görə reytinqdə səkkizinci yerə yüksəlib.

Siyahıda birinci yeri Çin tutub. ABŞ və Yaponiya isə ilk üçlüyü qapayır.

Adəm