.jpg)
"Sevilya"nın müdafiəçisi, dünya çempionu və ikiqat Avropa çempionu Serxio Ramos antidopinq qaydalarını pozaraq cəzadan yayınıb.
Publika.az xəbər verir ki, bu barədə "Relevo" məlumat yayıb.
Mənbənin sözlərinə görə, Ramos “Real”da çıxış edərkən “Malaqa” ilə oyundan sonra duşdan əvvəl dopinq testindən keçməkdən imtina edərək İspaniya Antidopinq Agentliyinin araşdırmasından yayına bilib.
İdmançılar yarışdan dərhal sonra dopinq nəzarətindən keçməlidirlər. İmtina antidopinq qaydalarının pozulması kimi qiymətləndirilə bilər.
Bildirilir ki, Ramos, dopinq nəzarətini tələb olunan iki yox, bir şəxs həyata keçirdiyi üçün sanksiyadan yayına bilib. Dopinq yoxlaması zamanı iştirak edən ikinci şəxs dopinq məmurunun atası olub və müvafiq akkreditasiyaya malik olmayıb.
Heybət
