"Çelsi" yay transfer pəncərəsində heyətini təmizləməyi planlaşdırır.

Publika.az xəbər verir ki, bu barədə "The Telegraph" məlumat yayıb.

Qeyd olunur ki, “mavilər”in sahibi Todd Bouli bu yaxınlarda Səudiyyə Ərəbistanına səfər edib və orada bu ölkənin idman naziri və yerli futbol çempionatının direktoru Maykl Emenalo ilə görüşüb.

Bouli yay transfer pəncərəsi zamanı futbolçuların satışı ilə bağlı danışıqlar aparmağa çalışıb. Söhbət Romelu Lukaku, Kepa Arrizabalaqa, Rahem Sterlinq, Mark Kukurella, Armando Brohi və Trevo Çalobahdan gedir.

“Çelsi” 105 milyon avroluq büdcə kəsrini aradan qaldırmalıdır, Səudiyyə Ərəbistanı satış danışıqları üçün ən perspektivli variant hesab olunur. Üstəlik, London klubu ötən yay N'Qolo Kante (Əl-İttihad), Kalidu Koulibali (Əl-Hilal) və Eduard Mendi (Əl-Əhli) kimi futbolçuları bu ölkəyə satıb.

Heybət