Almaniyada təşkil olunan futbol üzrə Avropa çempionatında İsveçrə və İtaliya yığmaları arasında 1/8 final görüşü başa çatıb.

Publika.az xəbər verir ki, Berlindəki Olimpiya stadionunda reallaşan matç isveçrəlilərin 2:0 hesablı qələbəsi ilə başa çatıb.

Görüşdə hesabı 37-ci dəqiqədə Remo Froyler açıb. 46-cı dəqiqədə Ruben Varqas yekun hesabı təyin edib.

Qeyd edək ki, bu nəticənin ardından 1/4 finala yüksələn İsveçrənin rəqibi İngiltərə - Slovakiya cütünün qalibi olacaq.

xxx

21:08

Almaniyada təşkil olunan futbol üzrə Avropa çempionatında İsveçrə və İtaliya yığmaları arasında 1/8 final görüşündə hesab növbəti dəfə dəyişib.

Publika.az xəbər verir ki, ikinci hissənin əvvəlində isveçrəlilər fərqi iki topa çatdırıblar - 2:0.

46-cı dəqiqədə Ruben Varqas fərqlənib.

xxx

20:48

Almaniyada təşkil olunan futbol üzrə Avropa çempionatının 1/8 final mərhələsində üz-üzə gələn İsveçrə və İtaliya yığmalarının görüşündə hesab açılıb.

Publika.az xəbər verir ki, Berlindəki Olimpiya stadionunda keçirilən matçda isveçrəlilər hesabda önə çıxıb.

37-ci dəqiqədə Remo Froyler adını tabloya yazdırıb.

xxx

20:24

Almaniyada təşkil olunan futbol üzrə Avropa çempionatında 1/8 final mərhələsinin oyunları çərçivəsində üz-üzə gələn İsveçrə və İtaliya yığmalarının görüşü başlayıb.

Publika.az xəbər verir ki, qarşılaşma Berlindəki Olimpiya stadionunda keçirilir.

Qeyd edək ki, görüşü polşalı baş hakim Şimon Marçinyak idarə edir.