Rusiyalı döyüşçü Petr Yan Çində keçirilən Ultimate Fighting Championship (UFC) turnirində 248 nömrəli əsas döyüşdə braziliyalı Deiveson Figueiredonu məğlub edib.

QÜTB.AZ xəbər verir ki, bu barədə Rusiya KİV-i məlumat yayıb.

“Mənə elə gəlirdi ki, raundlarda öndə gedirəm. Ancaq hər şey ola bilər: mən artıq bir dəfə yıxılmışam. Döyüşümdən əvvəl Merab Dvalişvili dedi ki, Fiqeredo ağır çəkidə kəmər uğrunda ən yaxşı namizəddir. İndi nə deyirsən, Merab? Mən qisas istəyirəm! - Yan döyüşdən sonra dedi.

Döyüş bütün beş raund davam edib və hakimlərin yekdil qərarı ilə rusiyalının xeyrinə başa çatıb - 50-45.

Bu qələbədən əvvəl 31 yaşlı Yan 18 qələbə qazanıb. O, beş dəfə də məğlub olub. Braziliyalı döyüşçünün hesabında 24 qələbə, bir heç-heçə və dörd məğlubiyyət var.

Turnirin əsas yarışında çinli Xiaonan Yan və braziliyalı Tabatha Ricci qarşılaşıblar. Bu görüş də yekdil qərarla - 30-27, 30-27, 30-27 Çin təmsilçisinin xeyrinə başa çatıb.

Digər döyüşdə rusiyalı Müslüm Salihov və çinli döyüşçü Sonq Kanan qarşılaşıb. Rusiyalı idmançı ilk raundda nokautla qalib gəlib.

Hüseyn İbadlı