“Zimmermann”ın yüngül və qeyri-adi geyimləri bütün dünyada tez bir zamanda məşhurlaşdı. Moda evinin libasları hər bir modapərəstə təxəyyülü həyəcanlandıran cəsarətli, göz oxşayan obrazlar yaratmağa imkan verir. Kolleksiyalara həcmli bluzkalar, ultra qısa ətəklər, açıq-saçıq straplez axşam paltarları və qadın bədəninin incəliyini zərif şəkildə vurğulayan müstəsna çimərlik paltarları daxildir.
Publika.az oxucuları “Zimmermann” moda evinin uğur hekayəsi ilə tanış edib.
“Zimmermann” 1991-ci ildə Avstraliyada yaradılmış məşhur brenddir. Markanın yaradıcıları ona soyadını vermiş Nikki və Simone bacılarıdır. Bacılar artıq 30 ildir dəbli geyimlər istehsal edirlər. Moda biznesinə kiçik yaşlarından başlayan Nikki tədricən böyük populyarlıq qazanmağı və aparıcı stilistlərin diqqətini çəkməyi bacarıb.
“Zimmermann” brendinin kutyur kolleksiyalarını müntəzəm olaraq Nyu-Yorkda keçirilən moda həftələrində və dünya şöhrətli ulduzların üzərində görmək olar. Avstraliyalı qadınların məhsulları həssas qadın imici yaratmaq üçün nəzərdə tutulub, buna görə də markanın çoxlu sayda daimi müştəriləri var. Belə məhsullar parlaq, qarşısıalınmaz və mürəkkəb görünməyə imkan verir.
“Zimmermann” markasının tarixi
Niki həmişə dizayner karyerası qurmağı xəyal edirdi. Başqa bir işlə məşğul olmaq qızım heç ağlına da gəlmirdi. Ona tikiş tikməyi 6 yaşında nənəsi öyrədib. Yeniyetmə yaşlarından qız artıq həm gündəlik, həm də ziyafət libaslarını özü tikməyə başlayıb. 13 yaşında Niki moda dizayneri məktəbinə daxil olub və məzun olduqdan sonra çimərlik paltarları və aksessuarları istehsalı üzrə ixtisaslaşmış moda evlərində təcrübə keçib. 22 yaşında isə Niki öz biznesini qurmağa qərar verib.
Gördüyünüz kimi, "Zimmermann" markasının tarixi onilliklərə gedib çıxmır, lakin bu markanın ildırım sürətli uğuru heyrətamizdir. Nikki bu uğurunu təsadüfi hesab etmir və bildirir ki, konkret məqsəd və aydın hədəf uğurun 50%-dir. Bu gün “Zimmermann” həm də gəlirli bir ailə biznesidir. Təşkilati məsələlərə Nikinin özündən 3 yaş böyük bacısı Simone rəhbərlik edir. Nikanın əri isə brendin inkişaf məsələlərindən cavabdehlik daşıyan baş direktorudur. Bacılar hesab edir ki, brend ailə biznesi olduğu üçün bu qədər böyük uğur qazana bilib.
"Zimmermann"ın niyə uğur qazandığını bilirəm. Bacım Simone əvvəldən yanımda olduğu üçün çox şanslı idim. O, dizayner olmaq istəmir və əməliyyat direktoru işində əsl peşəkardır. Və o, çox mütəşəkkil, heyrətamiz bir menecer oldu. Buraya həm də kadr məsələləri və istehsal, bir sözlə, böyük kollektiv daxildir. Bu yolla o, yükümü azaldır və mən bacarmadığım işlərdə vaxt itirmirəm. Bir sözlə, mükəmməl balansımız var. Sadəcə Simonesiz bunu edə bilməzdim. Bacılar arasında belə güclü bir bağ çox nadir olur. On beş il əvvəl biznesə qoşulmuş ərimi də qeyd etməliyəm. O, hüquqşünasdır. Bəli, moda evimizin kənar investorları var, lakin biz hələ də ailə biznesiyik və bu, başqalarının öhdəsindən gələ bilmədiyi çətinlikləri dəf etməyə kömək etdi.
Digər avstraliyalıların səliqəsiz işlədiyini söyləməyəcəyəm, amma mən inanılmaz dərəcədə çox işləyirəm və mən də çevik olmağı öyrənməli oldum. Bu, çətin işdir və biz çox iddialıyıq, amma başqa yol yoxdur. İnanıram ki, daha çox şeyə nail ola bilərik. Biz özümüz kimiyik, lakin avstraliyalılar bəzən özlərini eşitmək və anlamaqda çətinlik çəkirlər.
Bizi valideynlərimiz və ətrafımız formalaşdırır. Biz Kronulla sahilində böyümüşük, bu, sörfinq şəhəridir. Bu gün mən Voklyuzda (Sidneyin ən dəbli ərazisi) yaşayıram.
Biz özümüzü başqa markalarla müqayisə etmirik. Bu gün Avstraliya moda brendlərinin yeni nəsli öz varlığını hiss etdirir və Avstraliya tarixən moda ilə bağlı olmasa da, daha çox sörf və əyləncə ilə bağlı olsa belə, moda sürətlə inkişaf edir", - Nikki müsahibəsində bildirib.
"Sizi nə ruhlandırır" sualına isə Nikki cavab verib: "Uşaq vaxtı tətilləri necə keçirdiyim barədə gözəl xatirələr. Uşaqlığım sadə, qayğısız, ailənin əhatəsində keçdi. Əllinci illərdən təsirləndim. Valideynlərimin fotolarına baxdım və Avstraliyanın maraqlı yerlərini təsvir edən rəssamların əsərlərini öyrəndim. Məsələn, Ceyms Nortfildin əsərləri sadəliyi ilə gözəldir. Retro hissi ötürən tətil posterləri. Ən yaxşı tətil çox pul xərclədiyiniz tətil deyil, bizdə gözəl xatirələr oyadan tətildir. Mən ailə tədbirlərində insanların özlərini yaxşı hiss etdikləri məhsullar yaratmağı xoşlayıram - toylarda, vəftiz mərasimlərində... Geyimin mənalı, əlamətdar və yaddaqalan hadisə ilə əlaqələndirilməsini istəyirəm".
Dediyimiz kimi, “Zimmermannın” Avstraliya markasıdır, ona görə də brendin bütün kolleksiyalarında qitənin günəşini maksimum şəkildə vurğulanır. Bu, həm də dizaynerin vətəninə olan sevgi və sayğısını ifadə edir. Parlaq rəngli geyimlər qəlbinizi pozitivlik və bayram əhval-ruhiyyəsi ilə doldurur. Orijinal axşam paltarları qadınlıq və xüsusi maqnitizmlə zəngindir, nəzərləri cəlb edən və alqışlar toplayan təkrarolunmaz obrazlar yaratmağa imkan verir.
Nikanın kolleksiyaları seksual və sarsıdıcıdır. Onlar adətən cəsur, özünə güvənən qadınların seçimi olur. Bluzlarda mütləq dərin bir yarıq olmalıdır, şalvar isə bədən quruluşunun xətlərini vurğulamalıdır. Libaslarda romantik, yüngül və rəngarəng parçalara üstünlük verilir. Dizayner rənglərin birləşməsindən qorxmur. Bu, hər kəsin gündəlik işlərdən uzaqlaşdığı və layiqli çimərlik tətilini ödəyə biləcəyi ilin gözəl vaxtının gözləntisini çatdırmağın yeganə yoludur. Yubkalara gəlincə, bu mövsüm “Zimmermann” brendinin yaradıcıları rəngarəng, şən dizaynlarla gözü sevindirən qısa və dar olmayan variantları aktual hesab edirlər. Mükəmməl bədən quruluşu olan qızlara isə qısa köynəklər təklif olunur. Ətək həm beldə, həm də ombada yerləşə bilər.
Moda evinin kolleksiyalarında tez-tez quramaya da müraciət olunur. Bu üslubda hazırlanmış modellər həmişə aktual görünür və onu qiymətləndirənlər mütləq ki, tapılır.
Qadınlıq və individuallığa, xeyirxahlıq və pozitivliyə, rahatlıq, cəsarət və şən rənglər moda evinin uğurunun əsas sirridir. Bu konseptlə Zimmermann uzun müddət populyarlıq zirvəsində olacaq.
Aytən
