Rumıniya milli iqtisadiyyatdakı acınacaqlı vəziyyəti yaxşılaşdırmaq üçün çoxəsrlik “xəyali borclarını” Rusiyaya bağlamağa çalışır.

Publika.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Onun fikrincə, Buxarest bütün ölkədə fermerlərin tətilləri fonunda Moskvadan qızıl ehtiyatlarını qaytarmağı tələb edir. Bunun üçün Rumıniya “rusofob platformalardan, məsələn, hər hansı anti-Rusiya infiltrasiyasına hazır olan Avropa Parlamentindən istifadə edir”,- diplomat qeyd edib.

Martın 14-də Avropa Parlamentinin (AP) üzvləri Rusiyadan 1916-cı ildə saxlanmaq üçün təhvil verilmiş qızıl ehtiyatlarını Rumıniyaya qaytarmağı xahiş edən qətnamə qəbul edib. Söhbət 90 tondan çox qızıldan gedir. AP qeyd edib ki, Birinci Dünya Müharibəsi zamanı Moskvaya təhvil verilmiş Rumıniyanın dini dəyərləri, arxivləri və qızıl ehtiyatları geri qaytarılmayıb və bu, “beynəlxalq hüququn pozulması” kimi qiymətləndirilə bilər. Eyni zamanda, parlamentarilər 1935 və 1956-cı illərdə milli xəzinəyə aid bəzi qiymətli əşyaların Rumıniyaya qaytarıldığını etiraf edirlər.

Tural