Sankt-Peterburq sakini 2021-ci ilin yayında pasportunu itirib və 6 ay sonra gözlənilmədən misirli Mustafa Məhəmməd Mustafa Əhmədlə evli olduğu üzə çıxıb.

Publika.az xəbər verir ki, bu barədə “Fontanka”ya şəhər məhkəməsindən məlumat verilib.

Departament izah edib ki, sənədlərə əsasən, 2022-ci ilin yanvarında qadın Misir vətəndaşı ilə evlənib. Krasnoselski məhkəməsində qeyd edildiyi kimi, qadın 2021-ci ilin yayının əvvəlində pasportunu itirib, lakin yeni sənəd üçün müraciət etməyə vaxtı olmayıb.

Rus qadın övladının doğumunu qeydə almaq üçün qeydiyyat şöbəsinə gələndə əcnəbinin həyat yoldaşı olduğu üzə çıxıb. Məhkəmədə qadın əcnəbi həyat yoldaşı hesab olunan Mustafa ilə heç vaxt görüşmədiyini, onu tanımadığını bildirib.

Nikahın qadının itirilmiş pasportundan istifadə edilərək bağlandığını müəyyən etmək mümkün olub. Hər şey üzə çıxdıqdan sonra qadın nikahın etibarsız sayılması üçün məhkəməyə müraciət edib.

Cəmilə