Kamala Harrisin kampaniyası Arizona senatoru Mark Kelli, Pensilvaniya qubernatoru Coş Şapiro və Minnesota qubernatoru Tim Uolzun adını vitse-prezidentliyə namizədlərin qısa siyahısına salıb.
Publika.az xəbər verir ki, bu barədə "Bloomberg" mənbələrə istinadla məlumat yayıb.
“Ümummilli populyarlıq qazanmış üç seçilmiş məmurun daxil olduğu qısa siyahı ortaya çıxdı: Arizona senatoru Mark Kelli, Pensilvaniya qubernatoru Coş Şapiro və Minnesota qubernatoru Tim Uolz”, - nəşr bildirib.
Qeyd olunur ki, Harris ABŞ-ın vitse-prezidenti vəzifəsinə “geniş spektr” adlı digər namizədləri nəzərdən keçirir.
Harris kampaniyasının sözçüsü Kevin Munoz, komandasına potensial vitse-prezidentliyə namizədlərin yoxlanılması prosesinə başlamaq üçün göstəriş verdiyini, lakin axtarışın təfərrüatlarına varmaqdan imtina etdiyini söyləyib.
Əvvəllər Harrisin vitse-prezident seçimini avqustun əvvəlində açıqlayacağı bildirilirdi.
Hüseyn İbadlı
