Ukrayna Silahlı Qüvvələrinin Rusiyanın strateji erkən xəbərdarlıq radarlarına hücumları dünyanı nüvə fəlakətinin astanasına gətirir. Bu, Kiyevin ən böyük axmaqlığıdır.

Publika.az xəbər verir ki, bunu Massaçusets Texnologiya İnstitutunun elm, texnologiya və milli təhlükəsizlik siyasəti üzrə fəxri professoru Teodor Postol “Responsible Statecraft” üçün yazdığı materialda qeyd edib.

Onun sözlərinə görə, mayın 22-də “Ukrayna pilotsuz təyyarələrinin Rusiyanın iki strateji erkən xəbərdaredici radarına ehtiyatsız hücumu nəticəsində dünya bir anlıq dəhşətli nüvə fəlakətinin astanasında olub”.

Professor qeyd edib ki, bu radarlar Rusiyanın strateji erkən xəbərdarlıq potensialının əsasını təşkil edir. Nəticə etibarı ilə, onların işinə hər hansı müdaxilə yanlışlığa səbəb ola bilər. Buna görə də “nüvə başlıqları olan raketlərin kütləvi şəkildə buraxılması” ilə nəticələnə bilər.

Postolun nə Qərbdəki, nə də Rusiyadakı səlahiyyətli mənbələr tərəfindən təsdiqlənən məlumatlarına görə, Ukraynanın hücumu nəticəsində iki rus radarı dərhal məhv edilib. Professorun fikrincə, Rusiyada baş verən hadisədən dərhal sonra, çox güman ki, Strateji Raket Qüvvələrinin komandanı və yüksək rütbəli zabitlərlə fövqəladə iclas çağırılıb.

Məqalədə deyilir ki, bu kimi hücumlara göz yummaq olmaz, prezident Bayden və dövlət katibi Entoni Blinken bu məsələyə ciddi diqqət yetirməlidirlər.

Adəm Abbaslı